Emante Panel ndodhet në bregdetin shqiptar të Adriatikut, vetëm 10 minuta me makinë nga porti i Durrësit, me një pozicion strategjik në zemër të Mesdheut dhe të aksesueshëm në rrugë detare prej porteve italiane. Ambientet e kompanisë, që zënë një sipërfaqe prej 30,000 m², janë të krijuara enkas për prodhimin e paneleve sanduiç prej poliuretani dhe çeliku të galvanizuar të paralyer. Me anë të teknologjisë së avancuar, Emante Panel ka një kontribut të rëndësishëm në industrinë e materialeve të ndërtimit brenda dhe jashtë territoreve të Shqipërisë. Përdorimi i teknologjisë së fundit të prodhimit ka luajtur një rol të rëndësishëm në suksesin e kompanisë në industrinë e furnizimit me materiale ndërtimi në Shqipëri e më gjerë. Në këtë mënyrë, janë arritur nivele të larta të saktësisë, efikasitetit dhe kontrollit të cilësisë në proceset e prodhimit, gjë që nga ana tjetër ka mundësuar produkte të cilësisë së lartë që plotësojnë nevojat e ndryshme të klientëve. Teknologjia e fjalës së fundit të prodhimit ka mundësuar përmirësimin e proceseve të prodhimit, rritjen e produktivitetit dhe uljen e kostove operative, duke ofruar në këtë mënyrë çmime konkurruese për klientët e saj.
Hidroizolimi, termoizolimi dhe montimi i lehtë janë komponentë thelbësorë të një zgjidhjeje efikase dhe praktike ndërtimi.

Me një kosto të ulët të shërbimit dhe të përkushtuar për të garantuar gjithmonë cilësi dhe saktësisë, ne finalizojmë çdo projekt duke përdorur produktet më të mira të disponueshme në treg. “Emante” sh.p.k synon të kryesojë në industrinë e prodhimit të paneleve, si dhe të rrisë më tej sipërmarrjet e saj financiare.
Emante nis aktivitetin në shkurt të vitit 2006, në sektorin e import-eksportit të materialeve të ndërtimit, paneleve sanduiç, profileve metalike dhe plastike dhe përpunimit të llamarinës.
Brenda një dekade, avantazhet e shumta konkurruese e dallojnë Emanten nga kompanitë e tjera.
Objektivi kryesor i saj është të ofrojë sisteme ndërtimi inovative, të një cilësie të lartë, me kosto të leverdisshme, të mos dëmtojnë mjedisin dhe me konsum të ulët të energjisë elektrike.
Kapaciteti prodhues i kompanisë për ndërtimin e kontenierëve, kryesisht për përdorim industrial dhe komercial, është i konsoliduar dhe i garantuar, duke ofruar produkte të cilësisë së lartë e me kosto të ulët ku përparësi ka përmbushja e kërkesave të klientit.
Në vitin 2015, kompania bëri investime të mëdha për zgjerimin e veprimtarisë dhe përmirësimin e teknologjisë. Brenda dy viteve pritet që këto investime të sjellin rezultate të kënaqshme dhe të krijojnë më shumë mundësi punësimi.
Emante ka një fuqi punëtore prej 135 punonjësish, 39 me kohë të plotë dhe 96 me kohë të pjesshme. Stafi kryesor me kohë të plotë është përgjegjës për veprimtarinë bazë të kompanisë, ndërsa stafi ynë me kohë të pjesshme mbulon role specifike, si punë të përkohshme ose sezonale. Të kesh një përzierje të personelit me kohë të pjesshme dhe atij me kohë të plotë i mundëson kompanisë t’i përgjigjet në mënyrë efikase ndryshimeve në kërkesë.